عروس تبكي وتغادر حفل زفافها بسبب هذا الفنان.. ماذا فعل؟
روى المطرب أحمد سعد موقف مؤثر تعرض له أثناء إحياء أحد حفلات الزفاف، عبر حسابه بموقع التواصل الاجتماعي أنستغرام.
وقال سعد: ” كنت بغني في فرح ولكن الفرح كان مليء بالبكاء بدأت بأغنية (كل يوم) والناس مبسوطة وبعدها بغني أغنية (بحبك يا صاحبي) قامو الناس جريوا عليا بسرعة وقالوا لي لأ ماتغنيش أغنيهة بحبك ياصحبي”.
View this post on Instagram
وتابع: “مافهمتش في ايه؟! فماغنتش (بحبك ياصاحبي) والعروسة قامت بتعيط وجريت بعيد عن الفرح”.
وتابع أحمد سعد: “فغنيت أغنية تانية قامت العروسة قامت تاني وعيطت وسابت الفرح! مكنتش فاهم في ايه؟! طب أغني ايه؟! المعازيم قالولي معلش لان هي بتحب ابوها جدا وابوها كان بيحبك حب غير عادي وانت بالنسبة له اهم حد وكل الاغاني بتاعتك لها ذكريات مع ابوها”.
واستكمل: “وهي كانت بتغنيله (بحبك ياصاحبي) لو هو موجود دلوقتي كان اول حد هايجيبه يغني في الفرح كان هايكون انت، ومش العروسة هي اللي جابتني الفرح.”
وأضاف قائلًا: “العروسة في الفرح طول الوقت تبصلي وتفتكر ابوها وتعيط”.
وختم سعد حديثه قائلًا:”العروسة دي علمتني يعني ايه بنت بتحب ابوها وان الحب ده قد ايه حقيقي وصادق ونقي وان الاب ده كان راجل طيب و أب حنين علشان يتغناله من بنته بحبك ياصاحبي الله يرحمه”.
