فاجأت الإعلامية مفيدة شيحة، خلال برنامج “الستات” المذاع على قناة “النهار”، زوجة مطرب المهرجانات حسن شاكوش بتعليق صادم على أزمتها زوجها، بعد انتشار انباء تفيد بطلاقهما.
وقالت الإعلامية : كنت” ضدها من الأول لما سجدت في الفرح وقلت لها كلمتين بصي يا بنتي اللى أنتِ بتعمليه هيتحط لك في تقييم الأشياء بينك وبين جوزك والحركة اللي أنتِ عملتيها قللت منك وقللت من أهلك”.
وتابعت شيحة: “النهارده زوجة حسن شاكوش بتتكلم على السوشيال ميديا إنه طردها من البيت
وأخد شبكتها وحاليا بيتطلقوا”.
ولفتت “اللي حصل في أزمة زوجة شاكوش بيعلمنا درس إن احنا داخلين بداية حياة جديدة مع شخص جديد إن القصة ما انتهتش عند فرحك ولكن بدأت من الفرح، أنتِ اتجوزت بتحبي هذا الرجل ولكن دي بداية القصة بمعنى إنك لما تخشي لازم تحطي لنفسك قوانين وأسلوب حياة وإيه المفترض تعملوه
مع بعض علشان ما ناخدش على قفانا بعد كدا واللهم لا شماتة وربنا يهدي سرهم”.
وبدأت أزمة حسن شاكوش وريم طارق زوجته بتقدم الأخيرة ببلاغ إلى أحد مراكز الشرطة بالجيزة بعدما تعرضت للطرد والضرب وسرقة المنقولات والاستيلاء على إيصال أمانة وشبكتها، ما دفع جهات التحقيق لإحالته إلى النيابة العامة.
وكشفت ريم طارق، عن تأخرها في البلاغ أملا في الصلح بينهما، إلا أنه بعث رسالة لها برغبته في إنهاء العلاقة الزوجية، وحررت على الفور محضرًا له اليوم وطلبت إثبات الحالة، وتحرر محضر بالواقعة وأحاله المقدم أحمد السويركي، رئيس مباحث أكتوبر، إلى النيابة التي تولت التحقيق.
