“ولعت” بين نجوم سوريا: “لو بتطق ما بردّ عليك”… و”طارق سَكرة”!

بعد الانتقادات التي وجّهها الممثل والكاتب السوري طلال مارديني كما زميله الممثل يزن السيد الى زميلهما الممثل السوري أيمن رضا، بدون ذكر اسمه، خرج الأخير بتصريحات عبر برنامج “Et بالعربي”.
وتحدّث رضا عن مارديني والسيد قائلاً: “أنا هدول الشباب ما بردّ عليهن، يعني لأنو لساتن فراخ صغار وهني بيعرفو حالن انو انا مثلا اذا بدي رد عليهن فيني رد عليهن. بس خلص هوي قال رأيو وأنا قلت رأيي ويُحترَم رأيو وأنا يُحترَم رأيي ومنتركو للناس. وهني بيتحركشوني مشان ردّ عليهن”.

وأضاف: “هلأ طلال مارديني صار مرتين. اذا بيطقّ اذا بتنبق عينو ما رح رد عليه. بدي أتقل من هيك”.
وفي التفاصيل أن مارديني كان كتب منشوراً عبر حسابه الشخصي على “فايسبوك” انتقد فيه رضا من دون أن يذكر اسمه، فقال: “هلق اذا واحد استلم شركة إنتاج.. مو غلط يحكي كانو استلم رئاسة مجلس وزراء؟! يا حبيبي يا قلبي هي شركة انتاج يعني عادي والله عادي سماع مني.. وبسام الملا يا غالي استاذ كبير وقدم شي للدراما السورية.. شاء من شاء وأبى من أبى.. ع العموم الله يوفقك.. بس هدددددي”.
وما كان من السيد، صديق مارديني، الا ان علّق على منشوره قائلاً: “لا تدقق بيكون طارق سكرة قبل اللقاء”. ولكن سرعان ما قام بحذف تعليقه.
وبعد التعليقات السلبية التي انهالت على كل من الممثلَين، نشر مارديني منشوراً آخر على “فايسبوك” ليستكمل ما كان يقصد، بأن ما تم نشره لا يدل نهائيا على انتقاص من الفنان الكبير أيمن رضا وأنه يكن له احتراماً وحباً كبيراً.
حيث نشر: “اللي قلتو انا بالبوست السابق أبدا مو انتقاص من الأستاذ أيمن رضا، أنا واحد من الناس اللي بحبو كتير وبحترم كل شي بيقدموا.. بس أنا قلت هيك من محبتي إلو.. يعني المقصود أنو إذا كان مو منتبه كيف طريقة حكيو بالمقابلات بحاول نبهو”.
واستكمل قوله انه لا يوجد اتصال مباشر فيما بينهما ليقول له هذا الكلام شخصيا، موضحاً: “ومشان ما حدا يتفزلك أنا صدقا ما معي رقمو لاتصل فيه قلو هالكلام.. وكمان أكيد ما عم علمو كيف يحكي.. أنا عم أحكي رأيي.. يعني بالمختصر أنو اذا قدمت نقد بطريقة محترمة وبدون شتائم هاد ما بيكون بيعني أني أنا بكره الشخص أو عندي مشكلة معو، بالعكس تمام ممكن كون بحبو”.
المصدر: MTV