والد حسام حبيب يخرج عن صمته ويدافع عن شيرين : كانت بتأكلني بإيديها

أعلن والد حسام حبيب أنّ إنفصال الفنانة شيرين عبد الوهاب عن ابنه كان بطلبٍ منها خاصة بعدما همل حسام عمله ولم يعد مجتهدا في تأديته وهو الأمر الذي كانت ترفضه شرين تماما كونها إنسانة طموحة وتسعى دوما الى النجاح.

وقال والد حسام في تصريح خاص لموقع القاهرة 24 الإلكتروني:” شيرين اللي كانت عايزة تطلق من حسام، وهو مكنش عايز يطلقها، هي حاسة إن طول ما حسام جنبها مش هيعمل حاجة وقالتهالي كذا مرة، طول ما حسام جتبي مش هيعمل حاجة”.

وتابع: لازم يثبت للناس الأول إنه مطرب، عشان يرجع في عين شيرين ناجح”.

كما أشار الى عدم إمكانية رجوعهما الى بعض قائلا:”هم بيحبوا بعض جدا، وأنا شايف إن مش من مصلحة حسام إنه يرجع لها دلوقتي”

وقد أكد والد حبيب على أن شيرين إنسانة خلوقة وخدومة ومحترمة، بحيث كانت على علاقة طيّبة وجيّدة مع الجميع.

ووجه رسالته لشيرين قائلا: “شيرين أنتِ حبيبة قلبي، وحبيبة قلب 300 مليون عربي، وحبيبة قلب حسام حبيب، كلنا بنحبك، سواء كنتِ مرات ابني ولا لأ”.

وأضاف:”شيرين كانت قريبة مني، وبتسأل دايمًا عليّ، كانت بتأكلني بإيدها، وبتعزمنا في بيتها، ست محترمة وبنت بلد، وجدعة ومن عيلة”.