لاعب الأنصار أحمد الشوم لوائل عرقجي: “شد حالك بيب”.. كانوا يسحسحولي!

بعد الكلام الذي قاله لاعب نادي بيروت وائل عرقجي عن جمهور الرياضي والإزعاجات التي يتعرض لها، كتب لاعب الأنصار السابق أحمد الشوم عبر حسابه “فيسبوك”:
“مبارح من بعد مباراة الرياضي وبيروت، سمعت مقابلة وائل عرقجي، ضحكت كتير على كلامه، بقلك بطريقة كتير كلاس العالم لازم تعرف This is basket، العالم عم يسبوني، عم يجو تحت بيتي يعيطو عم يدقوا لأهلي.. عم يدعوا عليي شوّب وينزلي عرق، omg plz enough!”.
وتابع الشوم: “ولوو خيي، وينك انت من أجواء مباريات الفوتبول، انت عم تتخايل تلعب قدام النجمة و ٥٠ الف عم يشجعوا ضدك، لك شو كان صرلك! عم تتخييل بس يهجموا عليك ٣٠ او ٤٠ شخص من اخواننا حي اللجا وينزلوا فيك سحاسيح على المنارة ويقلولك مين الملك، وانا قلهن موسى حجيج، وهني يقلولي غصبا عنك ويرجعوا يتسلوا فيك سحاسيح، والانكى من هيك اذا ما رن السحسوح يقلولي لااا لااا ما زبط بدنا نعيدو! وانا احتراما لهم افتح الرقبة”.
وختم الشوم متوجهاً لعرقجي بالقول: “انت لاعب كبير موهوب، كتير عادية اذا الجمهور سبك عاتبك هاجمك، ولووو لك بغير عالم مدابح بتصير، فشو انت قدامهن، قال شو عم يسبوني وعم يجو تحت بيتي! وائل انت كتير naughty.. يالله بدي كبرها. شد حالك بيب”.