كلنا انكسرنا هالنهار وانطفى البيت.. رسالة مؤثرة لأهالي الشهداء

مع مرور عام على انفجار مرفأ بيروت وفاجعة المرفأ، استذكر شقيق الشهيد، بطل فوج الاطفاء جو بو صعب، بيتر بو صعب شقيقه، ونشر على حسابه الخاص على انستغرام فيديو يظهر اللحظات الاخيرة لشقيقه وهو ينطلق من مركز فوج الاطفاء، وصورا اخرى له وعلّق عليه بالقول:

“بغمضة عين قطع الوقت وصاروا سنة…
سنة كاملة مش شايف وجك، ضحكتك، عيونك… سنة مش سامع صوتك ولا سامع ضحكتك…
متل هاليوم من سنة و دّعتنا، ودّعت امي، و رحت عالشغل، بس كان وعدك لامك ترجع عالبيت و نقعد سوا متل العادة و نحكي و نضحك…بس كان في شي اكبر قدر يكسرلك وعدك و كلمتك، و من ٤ آب ٢٠٢٠، ما رجعت عالبيت…
كلنا انكسرنا بهالنهار، و انطفا كل شي بالبيت و ما عاد لاي شي طعمة و قيمة من دونك…سامحني يا خيي ما قدرت كون حدك واحميك بتمنى ما تكون انوجعت …
وحياة ضحكتك يلي كانت ترن رن، حقك ليرجع، و يلي كان السبب بكسر كلمتك رح ينكسر…وصارت قريبة!!!”