في هذا اليوم بالتحديد، 4 آب، يتحد الشعب اللبناني قلباً واحداً ليتذكر واحدة من أكثر الأحداث الأليمة التي حلت به، وهي انفجار مرفأ بيروت.
اليوم هي الذكرى الثالثة لانفجار المرفأ الكبير، التي عبر عنها اللبنانيون من خلال كلمات أليمة وحزينة، وتحولت صفحات النجوم إلى صور مؤلمة وكلمات معبرة ومطالبات بكشف الحقائق.
شاركت إليسا تغريدة على “إكس”، تويتر سابقا، قالت فيها: “كل مرة منقول مع الوقت منروق، مننسى، منتعوّد. بس ما في ولا قوة رح تخلينا ننسى هاليوم البشع وهالمأساة وهالدمار والضحايا اللي خسرناهن. ما رح نتأقلم غير ما نعرف الحقيقة. المشكلة إنو منعرف الحقيقة بس ما في مين يحاسب أو يقولها، الله يرحم اللي راحوا”.
سيرين عبد النور عبرت بحزن، قائلةً: “ناس ماتت وارواحهم طلعت واهاليهم عم بموتوا كل يوم، والمجرمين بعد ٣ سنين عايشين متطمنين من عدالة الارض لان متحكمين فيها وناسيين عدالة السماء، لكل مجرم ظالم، عدالة الله ناطرتك قاضي السماء لا رح يتنحى ولا رح تقدروا تقتلوه”.
مايا دياب أكدت أنهم لن ينسوا، ووضعت هاشتاغ “انفجار مرفأ بيروت” مع قلب مكسور.
هيفا وهبي غردت: “٣ سنين وما نسيناكن! ألف رحمة لأرواح ضحايا انفجار ٤ آب”.
وكتبت ماغي بو غص: “4 آب.. تاريخ ما بينتسى! الرحمة لضحايا هاليوم الأليم.. والعدالة لبيروت ولكل اللبنانيين!”
وقالت كارمن لبس: “اليوم ذكرى أبشع نهار بتاريخ لبنان، لازم إحكي؟ لازم قول شي؟ لشو؟ شو الفايدة؟ بفتكر ما في داعي…”.
أما يارا، فكتبت: “يارا ٤ آب… ذكرى انفجار مرفأ بيروت، الله يرحم الشّهداء وان شاءالله يا لبنان بترجع بتنبض فرح وسلام”.
