تأثّر ناشطون وإعلاميون بالكلمات الأخيرة للرقيب الأوّل في القوى الأمن الدخلي، شربل فرح، والذي انتحر أمام مقرّ بالمديرية:
وكان فرح قد كتب: “بدي إحكي كلمتين عالسريع، بتمنى ينفهمو صح، نحن كسلك عسكري بعدنا منقبض نفس الراتب، وقت لي كانت ربطة الخبز 1500 وتنكة البنزين 20000 ووقت لي كان أجار الفان من بعلبك عبيروت 5000 صار 40 و50 ألف. كنا نشتري بنطلون 50 ألف صار أقل شي 300000، بوقت كنا نشتري سندويش بالخدمة بي 5000 صار حقا 30000. أنينة المي صارت 5000، إزا شفرة الحلاقة كانت 500 صارت 8000، ومتحملين من سنتين. لأيمتا بدو يضل الوضع هيك؟ وأخيرا وليس آخراً، لا بخلوك تقدم تسريحك ولا بخلّوك تسافر، إزا تعطلت سيارتك هونيك المصيبة بدا تدخّل من البنك الدولي لتمشيها، هيدا من عدا البنزين إزا لقيت، وهدي اقل شي بعد كتير بتتعلق بالعيلة الكريمة ما في صفحة بتحملن بصيرو جريدي لأيمتا بعد فينا نتحمل”.
ومن بين الذين علّقوا الإعلامية كرستين حبيب، التي غرّدت: “إنتحار رقيب أول امام مديرية الأمن الداخلي. كيف يعني هيك خبر بيمرق مرور الكرام وما بيكون عنوان اول بنشرات الأخبار وهاشتاغ اول على تويتر؟ شربل فرح ضحية برقبة المحتكرين وأمراء الدم والفساد يللي مشغّلينهن”.
فيما كتبت الإعلامية ريما نجيم: “آخر كلمات المعاون اول شربل فرح قبل انتحاره امام المديرية العامة لقوى الامن الداخلي..
لا لسنا بخير!”.
