يوسف الخال يغضب من عايدة صبرا: “طفح كيل الصمت”.. وهي تردّ: “النقد واجب عالكل”
إنتقدت الممثلة عايدة صبرا بعض المسلسلات نصاً وتمثيلاً وإخراجاً، وبالمقابل أشادت بالمسلسل السوري “قيد مجهول”، فقالت:
“لهواة الدراما، إحضروا مسلسل قيد مجهول على يوتيوب وانتبهوا على النص المحبوك بمتانة بعيداً كل البعد عن مواضيع “حبها وحبّتني” وهالمواضيع السخيفة. شوفوا الإخراج الإبداعي. أما التمثيل فمتقن بحرفية عالية تحديداً الرائع عبد المنعم عمايري وباسل خياط”.
وأضافت عايدة صبرا “شوفوا شو يعني تركيب شخصيات بكل إنفعالاتها وحركتها الجسمانية بعيداً عن التسطيح والمكرّر لدى ممثلين عنا. وللحديث تتمّة”.
ويبدو أن تصريح عايدة صبرا قد استفزّ الممثل يوسف الخال الّذي ردّ عليها بغضب “يا عايدة، طفح كيل الصمت، ما شفنا حدا طلع من تحت إيدين اللي متلك عم يحكي وصار حدا سامع فيه غير انو بيطلع مليان حقد وعقد، المشكلة بابتكار نص فيه شخصيات مش بحرفية الممثل اللبناني”.
وتساءل يوسف الخال “الإنسان اللي بيخلق فنان بيختار فنه وبيتألق فيه. إذا هيك عم تعَلّموا، ما رح تعَلّموا محل. كم غلطة بعد عندك؟”.
بدورها، رفضت عايدة كلام يوسف قائلةً “عزيزي يوسف، تلاميذي اللي بفتخر فيهن كتير عم يتألقوا بأدوار زغيرة وكبيرة وبعضن آخدين جوائز. وهني ولا مرة عبروا بحقد او تناولوا حدا، إن بعض الظن إثم. يبدو إنك ما بتعرفن الأفضل تسأل عنن. والنقد واجب عالكل”.
